Müəllimlərin işə qəbulu müsabiqəsinin ilk 3 turu üzrə həvəsləndirmə tədbirləri tətbiq olunan vakansiyalara işə qəbul olunmuş şəxslər üçün həyata keçirilən onlayn müsahibələr başa çatıb. 14-24 dekabr tarixlərini əhatə edən müsahibələrdə 2209 namizəd iştirak etmək hüququ qazanıb. "Microsoft Teams" proqramı üzərindən onlayn formatda təşkil olunan müsahibələrdə ümumilikdə 2196 namizəd iştirak edib. Hərbi xidmətdə olduğu üçün onlayn müsahibə mərhələsində iştirak edə bilməyən şəxslər üçün növbəti müsahibələrdə yenidən müraciət etmək imkanı yaradılması nəzərdə tutulub. Qeyd edək ki, müsahibələrin nəticələri ilə bağlı məlumatlar tezliklə namizədlərin şəxsi səhifələrinə göndəriləcək.

25/12/2020 16:42

Xaricdə doktorantura təhsili ilə bağlı elan edilmiş 2021-ci il yaz semestri üçün sənəd qəbulunun müddəti uzadılıb. “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində  xaricdə doktorantura təhsilinin maliyyələşdirilməsi ilə bağlı elan edilmiş sənəd qəbulunun müddəti 15 yanvar 2021-ci il saat 23:59-dək uzadılıb. Ətraflı məlumatla elan mətnindən tanış ola bilərsiniz.

25/12/2020 16:40

 “Sağlam Mühit – Sağlam Gələcək” layihəsi çərçivəsində məktəblilər üçün iqlim dəyişmələri mövzusunda cizgi filmi hazırlanıb. Cizgi filmi məktəblinin dili ilə məişətdə iqlim dəyişmələrinin qarşısının necə alına biləcəyindən bəhs edir. Layihə çərçivəsində daha iki öyrədici animasiya filminin hazırlanaraq məktəbli, valideyn və müəllimlərə təqdim olunması, həmçinin iqlim dəyişmələrinin şəhər həyatı və təbiətdə yaratdığı fəsadlar, onların qarşısının alınması barəsində azyaşlı məktəblilər üçün maarifləndirici video-oyun tətbiqinin hazırlanması planlaşdırılıb. Qeyd edək ki, sözügedən layihə 2016-2020-ci illər üçün Azərbaycan Hökuməti və UNICEF arasında imzalanmış Əməkdaşlıq Proqramı çərçivəsində 2018-2019-cu illər üçün Təhsil proqramı - Dövri Fəaliyyət Planının “Azərbaycanın seçilmiş məktəblərində məktəb əsaslı təlim proqramı vasitəsilə ekoloji maarifləndirmə üzrə bacarıqların gücləndirilməsi” bəndi üzrə artıq dörd ildir ki davam edən silsilə layihələrdən biri kimi icra edilir. Layihənin əsas məqsədi cəmiyyətdə dayanıqlı inkişaf məqsədləri üzrə məlumatlılığın artırılması, ekoloji mədəniyyətin, həmçinin məişətdə iqlim dəyişmələrinin qarşısının alınması üçün davranış tərzinin formalaşdırılmasıdır. 2019-cu ilin iyun ayından başlamış “Sağlam Mühit – Sağlam Gələcək” layihəsi çərçivəsində bugünədək Bakı və Sumqayıt şəhərləri üzrə 170 sinif müəllimi iqlim dəyişmələri, ekosistem xidmətləri, su-sanitariya-gigiyena mövzuları üzrə təlimləndirilib. Təhsilalan və təhsilverənlərdən savayı, layihənin hədəf qrupu kimi valideynlər üçün məişət zəminində iqlim dəyişmələrinin qarşısının alınması vasitələrinin öyrədilməsinə dair onlayn vebinarlar təşkil olunub.  

25/12/2020 14:42

2020-ci ildə Heydər Əliyev Fondunun təşəbbüsü və dəstəyi ilə ölkəmizdə 62 təhsil müəssisəsi inşa və əsaslı təmir olunaraq müəllim və şagirdlərin ixtiyarına verilib. 2020-ci ildə Təhsil Nazirliyi tərəfindən 94 təhsil müəssisəsi tikilib və əsaslı təmir edilib. Onlardan 27-də tikinti, bərpa-gücləndirmə, 7-də əsaslı təmir işləri görülüb, 60 modul tipli məktəb quraşdırılıb.  

25/12/2020 14:22

Təhsil Nazirliyi 2 nömrəli Uşaq-Gənclər İnkişaf Mərkəzi və ABŞ-ın Nyu-York şəhərində fəaliyyət göstərən “My Way” (Mənim yolum) Uşaq-Gənclər İnkişaf  Mərkəzinin birgə təşkilatçılığı ilə “Qarabağ üçün yarat (Create for Karabakh)” adlı virtual rəsm sərgisi keçirilib. Sərginin təşkil olunmasında məqsəd Amerikada yaşayan uşaqlara Qarabağın tarixi abidələrini, işğaldan azad olunmuş şəhər və kəndlərini tanıtmaq, istedadlı uşaqları üzə çıxarmaq, onların asudə vaxtlarını səmərəli təşkil etmək və yaradıcılıq qabiliyyətlərini inkişaf etdirməkdən ibarət olub. Virtual sərgidə hər iki ölkənin məktəbliləri tərəfindən 60-a yaxın rəsm işi təqdim olunub. Rəsmlərdə Azərbaycanın tarixi abidələri, zəngin mədəni irsi və qəhrəmanlarının döyüş əzmi öz əksini tapıb. Sərginin yekunu ilə bağlı təşkil edilən tədbirdə çıxış edən “My Way” Uşaq-Gənclər İnkişaf Mərkəzinin rəhbəri Alyona Bədəlova Azərbaycan xalqını qələbə münasibəti ilə təbrik edib, iştirakçılara uğurlar arzulayıb.

25/12/2020 12:18

2020-ci ildə Azərbaycan məktəbliləri ümumilikdə 19 müxtəlif beynəlxalq olimpiada və müsabiqələrdə iştirak edərək 6 qızıl, 16 gümüş, 41 bürünc medal və 15 həvəsləndirici mükafat olmaqla ümumilikdə 63 medal əldə ediblər.

25/12/2020 10:33

Ölkə üzrə 50 rayon və şəhərdə təşkil edilən, ümumi sayı 500-ə çatan icma əsaslı məktəbəqədər təhsil qruplarında 9207 nəfər 3-4 yaşlı uşaq təhsilə cəlb edilib. Pandemiya dövründə “İcma əsaslı məktəbəqədər təhsilin inkişafı” layihəsi çərçivəsində UNICEF-in maliyyə dəstəyi ilə “Mədəniyyət” kanalında “Oynayırıq və öyrənirik” adlı teledərslər nümayiş olunub.

25/12/2020 10:13

 “Sağlam Mühit – Sağlam Gələcək” layihəsi çərçivəsində məktəblilər üçün iqlim dəyişmələri mövzusunda çizgi filmi hazırlanıb. Çizgi filmi məktəblinin dili ilə məişətdə iqlim dəyişmələrinin qarşısının necə alına biləcəyindən bəhs edir. Layihə çərçivəsində daha iki öyrədici animasiya filminin hazırlanaraq məktəbli, valideyn və müəllimlərə təqdim olunması, həmçinin iqlim dəyişmələrinin şəhər həyatı və təbiətdə yaratdığı fəsadlar, onların qarşısının alınması barəsində azyaşlı məktəblilər üçün maarifləndirici video-oyun tətbiqinin hazırlanması planlaşdırılıb. Qeyd edək ki, sözügedən layihə 2016-2020-ci illər üçün Azərbaycan Hökuməti və UNICEF arasında imzalanmış Əməkdaşlıq Proqramı çərçivəsində 2018-2019-cu illər üçün Təhsil proqramı - Dövri Fəaliyyət Planının “Azərbaycanın seçilmiş məktəblərində məktəb əsaslı təlim proqramı vasitəsilə ekoloji maarifləndirmə üzrə bacarıqların gücləndirilməsi” bəndi üzrə artıq dörd ildir ki davam edən silsilə layihələrdən biri kimi icra edilir. Layihənin əsas məqsədi cəmiyyətdə dayanıqlı inkişaf məqsədləri üzrə məlumatlılığın artırılması, ekoloji mədəniyyətin, həmçinin məişətdə iqlim dəyişmələrinin qarşısının alınması üçün davranış tərzinin formalaşdırılmasıdır. 2019-cu ilin iyun ayından başlamış “Sağlam Mühit – Sağlam Gələcək” layihəsi çərçivəsində bugünədək Bakı və Sumqayıt şəhərləri üzrə 170 sinif müəllimi iqlim dəyişmələri, ekosistem xidmətləri, su-sanitariya-gigiyena mövzuları üzrə təlimləndirilib. Təhsilalan və təhsilverənlərdən savayı, layihənin hədəf qrupu kimi valideynlər üçün məişət zəminində iqlim dəyişmələrinin qarşısının alınması vasitələrinin öyrədilməsinə dair onlayn vebinarlar təşkil olunub.  

25/12/2020 09:52

2020-2021-ci tədris ilindən istifadəyə verilən I sinif Azərbaycan dili (dövlət dili) üzrə dərslik yeni nəsil dərsliklərin sırasındadır. Bu ildən etibarən təlim digər dillərdə aparılan məktəblərdə Azərbaycan dili dövlət dili kimi yeni dərslik əsasında tədris olunur. Bu dərslik təlim digər dillərdə aparılan ibtidai siniflərdə Azərbaycan dilinin dövlət dili kimi tədrisi resursu olub, məzmun, quruluş və tərtibat konsepsiyası baxımından qabaqcıl beynəlxalq təcrübəyə əsaslanır. Təhsil İnstitutu tərəfindən hazırlanmış sözügedən yeni dərsliyin komponentləri, məzmun standartları və fərqli cəhətləri barədə məlumatlandırıcı videonu təqdim edirik.  

25/12/2020 09:23

Dekabrın 25-dən etibarən Türkiyə-Azərbaycan əməkdaşlığı çərçivəsində müəllimlər üçün "Ortaq təhsil layihələrinin yaradılması" mövzusunda vebinarlara start verilir.  5 gün davam edəcək vebinarların təşkil olunmasında məqsəd iki qardaş ölkə arasında müəllimlərə öz layihə ideyaları barədə fikir mübadiləsi aparmağa və ortaq təhsil layihələri üçün bir araya gəlməyə şərait yaratmaqdır.  "Virtual məktəb" platforması üzərindən hər gün saat 21:00-da keçiriləcək vebinarların keçid linkləri “Virtual məktəb”in rəsmi “Facebook” səhifəsində təqdim olunacaq.  Qeyd edək ki, vebinarlar ölkədə Təhsil Sisteminin İnformasiyalaşdırılması İdarəsi tərəfindən reallaşdırılan beynəlxalq “eTwinning Plus” layihəsi çərçivəsində həyata keçirilir. 

25/12/2020 09:07